Lus qhia: Ob zaj txiv lwm plhu no yog 2 tug neeg sau. Gawv yog cov zajlus phiavmeej (descriptive essay). Cov zaj no ces yog koj yuav tsum piav koj zaj kom meej’.

Zaj 1

Txiv Lwm Plhu

Koj puas paub txiv lwm plhu yog txiv dabtsi? Nws zoo li cas? Yog koj tsis paub, koj nyeem mus wiv es kuv yuav qhia koj tias sab nraud thiav hauv lub txiv zoo li cas.

Lub txiv lwm plhu sab nraud, nws kheej’ zoo li lub mojpob. Nws luaj li lub tennis ball. Nws muaj lub qia uas hmlos luaj li tus ntivtes. Tus ko ntawm lub ntawm qhov hmlosno thiab nws yog xim kasfes. Ntawm lub qia no muaj ib txoj ka buas pib saum tus ko thiab lub qia mus xaus rau hathoob plaws luvuv lub cospaj. Lub cospaj dulug thiab tsis muaj caws pliav li. Nws daim tawv ci’ thiab yog xim pajyeeb. Nws muaj ib co teev thoob plaws lub txiv. Yog plws lub txiv, koj yuav hnov nws muag, zooj, thiab du.

Yog koj muab lub txiv phua, koj yuav pom nws daim nyias’ li daim ntawv. Daim tawv no liab doog’. Dhau txheej no, nws yog txheej uas liab doog thiab 3 nti. Dhau txheej no ces nws yog lub noob uas luaj li lub txiv laumhuabxeeb. Lub noob no tsi du: nws ua qhov blhosblhiv thoob plaws lub noob. Vim li no nws thiaj txhib’.

Sab nraud lub txiv lwm plhu kheej’ thiab du’, hos sab hauv muaj txheej nqaij thiab lub noob. Kuv jeeg tias tsam no ko yuav paub txog txiv lwm plhu no lawm.

Zaj 2

Kuv jeeg tias nej txhua leej yeej tau noj lub txiv lwm plhu lawm, tiamsis ib txhia tseem tsis tau paub lub txiv no zoo. Kuv yuav muab lub txiv no piav qhia rau txhua tus paub seb sab hauv thiab sab nraud zoo li cas.

Sab nraud, lub txiv lwm plhu kheej’ thiab nws zoo li txiv lwstxaij. Nws lub qia hmlos ib qho uas luaj li taubteg. Tus ko tuaj hauv lub qhov no thiab nws luaj li tusk av xyab. Ntawm qia no muaj ib txoj kab zawj zog uas luaj li tus ntivtes. Txoj kab no pib ntawm lub qia thiab mus xaus rau lub cospaj. Lub cospaj du’: tsis muaj dabtsi li. Lub txiv daim tawv dub doog thiab ci’. Nws tseem muaj ib co tee uas txaij vog thoob plaws lub txiv. Cov tee no luaj li cov noob pias. Yog koj plhuas lusb txiv, koj yuav hnov zooj’ thiab du’.

Thaum koj muab lub txiv phua, koj yuav lom nws daim tawv nyias’ li daim ntawv sau thiab yog xim liab doog dub. Dhau txheej tawv, koj yuav pom ib txheej uas tuab li ib tug ntivtes. Txheej no yog xim liab thiab xim daj.

Sab nraud lub txiv lwm plhu kheej’ thiab du’, hos sab hauv muaj txheej nqaij thiab lub noob. Kuv jeeg tias tsam no ko yuav paub txog txiv lwm plhu no lawm. Txuas no koj yuav pom ib txheej uas tuab li tus ntivtes xoo thiab muaj cov hlab dawb’. Cov hlab no zoo li hlab jha. Hauv lub plawv ces yog lub noob uas luaj li tus ntivtes. Nws yog xim suabthaj. Nws ua tej theem thiab hmlos rau hauv. Lub noob no whib khuav: tsis du.

Txiv lwm plhu sab nraud kheej’ thiab du’, hos sab hauv muaj ob txheej thiab lub noob. Tamsim no, kuv jeeg tias cov uas tsis tau pau blub txiv no yuav pau blub txiv no lawm.

Tomqab nej nyeem ob zaj no tas, nej twv tau lub txiv no lawm lost sis tau? Nws yog lub plum uas du mosnyoos li lub plhu, peb thiaj muab nws hu ua txiv lwm plhu.