Vaj, Ntxoov Yias. Txawj Xwb Tsis Ntse. Hmong Times, February 16, 1999.

Sualus (summary)

Zajlus no hais txog lolus thuam tias, “.tsis je”. Tus sau hais tias peb tsis nyog siv lolus no vim nws ua rau neeg mob siab. Raws li nws hnov, kev je yog kev txawj ntau yam, kev ua ntau yam, k ev siv hlwb, thiab kev Hmoob tej txuj ci. Nws hais tias muaj ntau tus thuam tias cov hluas uas kawm tau B.A. thiab M.A. tsis je. Raws nws xav mas Hmoob tej txuj ci cia rau lwm tus. Txawm cov hluas tsis txawj Hmoob tej txuj los lawv yeej je vim lwm haiv neeg uas tsis paub Hmoob txuj los lawv yeej je. Tsis tas li no, nws tseem hnov ib cov kwvtij sib tham thiab lawv hais tsis sib haum. Raws li nws xav, cov kwvtij ntawd yeej je, tiamsis lawv nyias muaj nyias tswvyim xwb. Yog li, nws thiaj xaus lus tias lolus “je’ yog “twvyim”. Neeg nyias muaj nyias tswvyim. Yog li no, ib tug thiaj hais tsis haum twm tus. Nws muab lus pivxwv tias cov Hmoob Blog thiab Hmoob Mekas yeej tsis muaj ib tug je tshaj ib tug, tiamsis nyias je nyias sab, xws li Hmoob Blog je rau zaj tshoob hos Hmoob Mekas je rau computer. Nws hais wiv tias yeej tsis muaj ib neeg hais lus es sawvdaws yuav (haum sawvdaws).

Tus Nyeem 1:

Kuv yeej hnov khawvlus “txwaj xwb tsis je” no los lawm thiab, timsis kuv ho tsis xav tias khawvlus tsis zoo. Kuv xav tias cai lwm tus thuam peb thiab es peb thiaj nco saib peb tus kheej. Tej thaum peb txawj tiag, tiamsis peb tsis je los muaj.

Lolus txawj thiab je tsis yog ib qhov. Koj txawj tsis tau txhais tias koj je thiab koj je tsis tau txhais tias koj txawj. Txawj yog yam koj kawm thiab koj paub, hos je yog lub tswvyim zoo, txiav txim sai thiab yog, daws tau teebmeem yoojyim, thiab ua tej yam uas neeg xav tsis tau txog.

Tus Nyeem 2:

Kuv xav tias daim ntawv no hais tau zoo lawm. Yeej muaj ib cov neeg laus uas thuam thiab saib tsis tau peb cov tub kawm ntawv hluas.

Kuv tsis muaj ib yam uas yuav wiv rau daim ntawv no.