Lusqhia: Pajhuam yub tab. Zaj no yog sau kom peb nco txog peb niam peb txiv kev ua nrog nyob Blogteb, thiab tshwjxeeb yog sau kom muaj cov suabsab suabnrov.
Tsam Rog
A Battle In Laos
By Lee Thao 1997
Kaj ntug txoog ntuj teb jiag moo to
Qha qog nyos txhua lub tsev
Niag movtev tawg jawv siab hlo
Sawv kuag hnyo ncig mus saib
Tim tej khaib cig liab pes vog
Phom tsov rog nrov ua zaj ua zaws
Cig pes plaws tej teeb ntuj
Ci lam lug rau txhua qhov
Zawskas nrov qeeg pes gaws
Foobpob tawg nrov nchav pes nthi
Mos txuv ci zom pes zaws
Suab phom yaws nrov cij pes ciaj
Suab phom jia nrov “pig pig poog poog”
Phom kasnoos nrov “txeg gag – txeg gag”
Phom movtaj nrov ”nthawb toog – nthawb toog”
Nrov pes nroos mus puv toj puv hav
Blaum tawg nchav cuag xyoob ntoo yas tag
Phom askas nrov ua tsheej xyub
Niag phomdub nrov uas tsheej nreeg
Tej movmees nrov cuag xob nthe
Nrov pes tse mus puv toj puv dawm
Mostxwv tawm ya liab vog vuag lob laig
Lasmiavtai nrov “dawg dawg – dawg dawg”
Cov phombaws cig plawv plaws
Nrov pes daws rau ub rau no
Pa phom ncho oov pes niab
Tib pliag kiag phom pib jiag
Txawm tuaj kiag ob lub juab ua ib leej
Qhia tias yeej lub khaib ntawd lawm
Yog nws tawm ob lub daj ua ib nqag
Qhia tias plag tsam nrog thiaj xaus.
