Lus qhia: Cov lolus dub yog cov hloov tshiab
QaumNtuj
Tus sau: Maithao Vang, Edison High
Nej puas tau bau suav mus txog saum qaumntuj ? Kev bau suav mus qaumntuj zoo li cas ? Kuv yuav piav txog txoj kev bau suav uas ua rau kuv tsis xav tsim li.
Nyob rau hauv kev bau suav, qaumntuj tshav ntuj nrig thiab huab cua tuaj txias zias. Tej no ua rau kuv laj siab wiag. Me paj txiv duaj tawg ja-iab puv hauv toj hau hav. Me mos gawj mos muv ya zom zaws los jauv tej me paj . Hluas gauj thiab hluas nraug khiav ua si blawg ntia, nyob yaj yaum li yeev. Lawv hnia thiab de tej paj sib pub. Thaum lawv de tau ntau, lawv kuj muab cov paj w daj vog ua si rau qhov txhia chaw. Lawv nyob tau yam li lawv tsis muaj kev nyuaj siab dab tsi. Ib leeg hais lus luag whwb whi rau ib leeg xwb. Muaj qee chim, nws zoo li kuv tseem nrog lawv dhia ua si thiab. Kuv nco li kuv tsis nyob saum npoo av li lawv. Nws zoo li kuv nrog lawv nyob ua yaj yaum li yeev ib nta xwb. Kuv xav tias jhe kuv lub neej yuav nyob tau yam lom zeem thiab kaj siab lug li no mus tag ib sim. Tab sis cas nws yog bau suav xwb.
Raws li kuv zaj bau suav, qaumntuj muaj tsiaj txhu thiab xyoob ntoo zoo gauj thiab tej neeg los txawj sib hlub sib nqee. Kuv xav tias yog muaj ib thaj chaw zoo gauj thiab muaj kev sib hlub li hais los no, kuv yuav mus nyob rau thaj chaw ntawd seb kuv puas muaj kev sib hlub. Tsis tag li ntawd xwb, yog kuv tau mus nyob qhov chaw ntawd, kuv yuav tsis nco txog ntiaj teb li lawm.
Nuv Jes
Tus sau: Kos Vaj
Kev nrhiav noj hau nruab nrag tsis yog kev mus nrhiav khoom noj xwb, nws tseem yog kev mus nrhiav kev lom zem thiab. Ib txhia nyiam nuv jes, tiamsis lawv tsis nyiam noj jes. Kuv yog ib tug nyiam nuv jes thiab nyiam noj jes heev. Yogli, kuv thiaj pheej mus nuv jes. Lub ciaj ntuj so dhau los no, kuv thiab cov phooj ywg tau mus nuv jes yam lom zem kawg.
Thaum peb lub tsheb nres tus chaw, kuv maj zoj zeeg los thau cov cuab yeej nuv jes. Lub caij ntawd, kuv pom kuv tus kwv tij thiab cov phooj ywg khiav fab taws jos los xyuas lawv cov cuab yeej nuv jes. Tib pliag ntawv, peb sib tw khiav mus rau nram hav dej. Thaum kuv twb nres tsis tau tu chaw, kuv tus kwv twb nthe tawg ntho tias, “kuv laib ib tug jes lawm lauj.” Nov ua rau kuv siab dhia pig poog. Tos kuv nco kuv twb cuam nuv rau hauv dej. Kuv tus phooj ywg luag nrov: haj haj, thiab hais tias, “Cas koj lam tsis chob kab li?” Thaum ntawd, kuv mam nco xeev thiab rub kuv tus nuv jes rov los. Tib lub caij ntawd, Wawg txawm siv qw tias, “Aub! Tus no nchav kawg sub laiv.” Thaum no kuv lub siab kub lug rau kev nuv jes thiab kuv txawm dag tias,”Kuv tau ib tug loj kawg thiab”. Dawb thiaj teb tias, “Yog kawg. Hnub no tsis tas siv kab li tiag”. Nov ua rau peb tuaj dab ros thiab peb luag ib tsaug nrov nrov. Lub caij tam sim ntawd, kuv tig mus jia rau sab laj kab, kuv pom ib cov qaus liv ntau ntau uas ya zom zaws. Kuv txawm xav tau ib lub tswv yim. Kuv thiaj txhom tau ob-peb tug coj los chob rau tus nuv jes thiab muab pov rhees rau tom plawv dej. Ib tug jes txawm siv dhia tib plhaw tuaj tais gaus kuv tus nuv. Kuv thiaj kauv tsawg tsuag los rau ntawm ntug dej. Kuv ib tug phooj ywg thiaj muab kiag lub tsoj los yawm kiag. Kuv mam los nthos gaus tus jes ob daim xiab. Kuv muab kiag rab ciaj los tais kiag tus jes ntawm tus jes qhov ncauj thiab rub nuv tawm los. Lub caij kuv tab tom tuav tus jes ntawd, kuv siab nrov pig poog. Tamsim ntawd, kuv tus phoojywg qw nrov nrov tias,”Kuv tau ib tug lawm thiab lauj”.
Tej kev peb sib qw txog kev nuv jes ua rau peb muaj kevlomzem kawg li. Ib pliag xwb, lub caij twb dhau lawm ntev. Lub ntuj twb yuav tsaus los peb yeej tsis nco tshaib thiab tsis nco qhis dabsi. Nej kev nuv jes puas zoo li no thiab? Yog txhua zaug, jes tom li no xwb mas jhe yuav quav nuv jes li.