POM POJ WOOG
Tus sau: Yia Yang
Nej puas tau ua bausuav phem ib zaug uas ua rau nej tawm tsheej ce fws tshee hnyo li? Kuv tau bausuav ib zaug uas ua kuv jhai heev. Thaum kuv tsim los, Kuv tseem tshee thiab kuv tawm ib ce fws. Zaj bausuav phem no yog zaj poj woog caum kuv nram kev los txog kiag hauv tsev.
Hauv nruab bausuav nws qaim hli nrig, kuv thiab kuv tus phoojywg mus tham hluas gauj los txog ntawm ib nrab kev, wb pom ib tug poj woog uas tsw tsw lwj nyob ntawm ib phab laj kab. Nws hnav ib ce khaub ncaws Hmoob lees. Nws luaj li ib tug niam tais pog laus thiab nws tseem tig nws lub plhw lwj lwj tuaj jia wb. Lub sij haum tam sim ntawd, wb jhai heev. Tiamsis nws luag whi thiab txav los ze wb: zoo li nws yuav los muab wb mos noj. Thaum ntawd wb jhai heev, wb thiaj li sib xeem khiav. Txawm wb khiav, qw khiav qw khiav los tsis muaj leej twg hnov li. Thaum wb dhia, dhia, dhia los txog ntawm ib tug me nyuam dej, wb tseem pom tus poj woog lawv wb qab. Sij hawm ntawd, wb ob leeg sib tw nqis mus rau tus dej. Wb tsis hnov tog li, tiamsis wb hnov dej ntub ntub wb ob phab kaw taw. Thaum uas wb khiav los yuav txog tsev, kuv hnov aub pheej tsem tsem pem tej tuaj. Wb tig loo saib tom qab, niag poj woog tseem pheej lawv wb qab tas zog.
Lub ntuj qaim hli nrig, tiamsis peb tsev tsaus nti thiab jiagto. Tus poj woog tseem tsis tau tso wb tseg thiab nws tseem hlev hlev blaig rau wb. Kuv jhai heev, kuv thiaj muab tus yaum sij qhib plho lub qhov rooj. Wb thiaj li gag loo mus hauv tsev thiab muab lub qhov rooj kaw nrov poog. Tam sim ntawd, tus poj woog khiav tsw lwj wiag mus nyob pem kuj tse. Yog li, peb cov aub thiaj tom juag qees ped. Tamsim ntawd, kuv txiv sawv tsees los thiab nws nug wb tias, ” Yog muaj xwm tus dabtsi?”. Wb plhu daj thiab jeg muag tuag tag.Wb txog txog sia thiab teb tsis tau kuv txiv. Kuv txiv muab wb diaj diaj, kuv mam teb tug txog sia qhuj qhe tias, ” wb, wb, wb pom, pom, pom poj woog”. Kuv txiv cia li fiv kiag ib lub yeem twm. Tus poj woog cia li txia loo ua ib tug neeg thiab nws los nyem kiag kuv tsaj pas. Thaum ntawd kuv ua tsis tau pa, kuv txiv thiaj hu kwv tij thiab txiv neeb tuaj boo hmoov pias rau qhov txhia qhov chaw. Thaum cov hmoov pias cig plawv plaws, tus poj woog thiaj tso pluav kuv lub caj pas. Lub sijhawm kuv dim pas jhua, kuv thiaj tsim dheev thiab sawv tsees saum txaj los. Kuv ib ce tseem tshee thiab kuv tawm ib ce fws blaum wias.
Tus poj woog pog laus uas kuv bausuav pom no lub phlw lwj lwj. Nws tau caum wb nram kev los txog ntawm tsev. Txoj kev qw hauv kev bausuav tsis muaj neeg hnov.Tej kev fiv yeem thiab bhoo hmoov pias wim li kuj pab tau kuv. Kuv zoo siab heev uas nws yog bausuab xwb. Yog muaj tseeb, kuv yeej yuav khiav tsis dim tus poj woog no thiab jhe kuv txoj sia twb tu lawm. Yog nej leej twg tsis tau bausuav pheem li kuv, kuv thov kom nej txhob bausuav li no. Yog nej ho jib tej zaj zoo li kuv los thov kom peb jib kev noj qab nyob zoo thiab bausuav zoo lawm yav tom ntej mog.