Lus qhia: Pajhuam yub pej yog cov pajhuam uas dhos lub suab yub 3 kab, 3 kab uake.
Niamtxiv Lus Txhawb
Copy Right 1996 by Lee Thao
Kuv txiv, cas koj yuav txawj hais lus qabzib
Koj hais tau tej lus uas kuv tsis khib
Koj yim hais, kuv lub jej yim qhib
Kuv niam, cas koj yuav txawj hais lus muag
Koj tej lus yog lus tsuj lus buag
Koj yim hais, kuv yim nquag
Kuv txiv ,cas koj yuav txawj hais lus khov
Koj hais tau tej lus uas kuv tsis lov
Koj txawj txhawb kom kuv sawv wov
Kuv niam, cas koj yuav txawj hais lus seevyees
Koj hais tau tej lus uas kuv tsis gees
Koj txawj txhawb kom kuv sawv li tsees
Kuv txiv, thaum kuv ua num tas
Koj hais tias koj hlub kuv baus cas
Koj txawj txhawb kom kuv lub siab tsis ntas
Kuv niam, thaum kuv ua num tiav
Koj hais tias kuv ua tau li koj piav
Koj txawj txawb kom kuv los siav
Kuv txiv, thaum kuv hais lus yuav kev
Koj tsis nthe, koj ua tau lub siab ntev
Koj txawj txhawb kom kuv txhob xiam jev
Kuv niam, thaum kuv ua num qeeb
Koj tsis los txeeb kom kuv ceeb
Koj ua rau kuv tsis xav ua lojleeb
Kuv txiv, thaum kuv kawm tau zoo
Koj hais tias kuv txhawb koj nto moo
Koj ua rau kuv hajyam sib zog tsoo
Kuv niam, thaum kuv kawm tau phem
Koj tsis cem thiab tsis hem
Koj txawj txhawb kom kuv txhob lem
Ua neb tsaug mog niam thiab txiv
Neb tej lus muaj sia whi li chiv
Kuv blooj siab lo pes gaus coj mus siv
Kuv ua neb tsaug ntau ntau
Neb tej lus muaj qab muaj hau
Neb tau txhawb kuv los puag thaum yau
Ua tsaug mog
Lus qhia: Pajhuam yub pej
Niam-txiv Mooj
Copy Right 1996 by Lee Thao
I. Menyuam: Txiv, kuv twb wuav tais tas.
Txiv: Zoo kawg uas koj dhim kuv tus pas.
Nco joov tsam pas dam ua yas.
Menyuam: Niam, kuv twb tu tsev tiav
Niam: Yogli ces koj cia li los wuav taisdiav.
Tsawgtsuag tsam koj lov hniav.
II. Menyuam: Txiv, kuv twb wuav tais tas.
Txiv: Koj puas tau muab lawv so mas ?
Avtsij ua, txhob maj mus ncaws bas.
Menyuam: Niam, kuv twb tu tsev tiav.
Niam: Yog li ces koj cia li los wuav taisdiav.
Tsawgtsuag koj tsis yeem khiav.
III. Menyuam: Txiv, kuv twb wuav tais tas.
Txiv: Ua li ntag !
Cas koj yuav wim hlub ua luaj mas.
Menyuam: Niam, kuv twb tu tsev tiav.
Niam: Yog li ces koj cia li so kom los siav.
Wb mam sib pab wuav taisdiav.
Lus nug:
1. Koj tsev neeg ze rau tsev twg ? I _____ II _____ III______
2. Puas muaj tsev neeg zooli cov tsev neeg no ? I _____ II _____ III ______
3. Yog koj muaj cai xaiv tau, koj yuav xaiv tsev twg ? I ___II______III______
4. Tsamno koj yuav xyaum lub neej twg? Vim li cas?