Yav tas Hmoob piv txoj lus li no:

Ua qoob ua loo los baj tshaib, tu tub tu kiv los baj laus.

Nqe lus no siv tsis tau rau Hmoob Mekas lawm.

Hmoob Mekas yuav tau baj li nram no.

Qoob loo lossis noj haus baj li no:

Thaum luag khwv noj, peb nrog luag ntoj

Thaum luag khwv haus, peb nrog luag lis

Yav laus ces peb tau txais nyiaj SSB (Social Security Benefit)

Yog peb tso nyiaj rau piabxoos (pension)

Yav laus peb kuj tau nyiaj wiv los boog

Yog peb tso nyiaj rau 401 K

Yav laus peb kuj tau nyiaj wiv los pab nres

Thaum luag khwv noj, peb tsis nrog luag ntoj

Thaum luag khwv haus, peb tsis nrog luag pais

Yav laus ces peb tau txais nyiaj SSI (Supplemental Security Income)

Yav laus yog peb nres tau peb lub neej

Peb nyob peb vaj peb tsev txog hnub peb nce mus rau ntuj ceebtsheej

Yas laus yog peb lub neej peb nres tsis taus

Peb sau peb tus kheej mus nyob tsev laus

Menyuam ne, lawv tsis muaj feem lawm los?

Lawv muaj kawg, lawv pab nyiaj txiag rau cov laus, tsis yog lawm niam lawv txiv xwb.

Tub ki mas baj li no:

Tu tub ki los  kawm ntawv

Kom 18 xyoo lawv lub neej pib sawv

Tub tub ki los kawm ci

Kom 18 xyoo lawv pib los them nqi

Tu tub ki los kom tsim txiaj

30 xyoo lawv pib muaj nyiaj

Tu tub ki los kom tsim nuj

30 xyoo lawv pib blua nuj

1. Toj sib xws toj, dawm sib xws dawm

Poj sib xws poj, yawm sib xws yawm

2. Xeeb ntuj thiaj xeeb teb, xeeb teb thiaj xeeb tsuag

Xeeb niam xeeb txiv thiaj xeeb nyuag

3. Dig muag pom kev nruab qaim hli

Lag jeg hnov lus txhi

4. Muaj tsis txhob khav

Pluag tsis txhob quaj

5. Txhob tias muaj tsis txawj pluag

Txhob tias mob tsis txawj tuag

6. Ua nom mas tsis zam cai

Ua cai mas tsis zam neeg

7. Lag jeg pom kev yav hmo ntuj

Lag jeg hnov tes taw nyuj

8. Muaj yeej txawj pluag

Tsis mob yeej txawj tuag

9. Twv nyoog tau phem

Twv ntuj tau kev txomnyem

10. Tau poj niam zoo baum li tau ib pob nyiaj

Tau poj niam phem baum li tau kev xyob txhiaj

11. Tau txiv zoo baum li tau ib thooj kub

Tau txiv phem baum li tau tus niag moshlub

12. Twv txiaj tau kev pluag

Twv ntuj tau kev tuag

13. Zom zeb, mob tes

Tuam cos, mob taw

14. Cag ntoo qhia taus bub, ntiag hneev qhia xib xub
15. Dab tau pa ncho, neeg tau nqaij tau hno
16. Hov riam, riam je. Txuag siav, siav ntev
17. Hla dej yuav hle khau, tsiv teb tsaws chaw yuav hle hau
18. Dev yeem kaws txha, bua yeem noj a (av)
19. Bua yeem noj xua, dev yeem noj quav
20. Qoob loo zoo thawj cim, lag luam zoo thawj chim
21. Dag dab tau kev tuag, dag neej tau kev txajmuag
22. Hais nruab zoov nrov nruab tsuag, hais hauv tsev ncha saum luag
23. Nyob deb txog dej txog cawv, nyob ze rho hluav taws hlawv
24. Hluas siab puv, laus siab luv
25. Noj nceb yuav taug cav, yuav poj yuav sev yuav taug neej taug tsav
26. Txhob ua tshws zais nas, kauv zais neev
27. Dub twg whua twg, ntuag twg wiv twg.
28. Ntov ntoo yuav tau saib cev qhuav, koj thiaj tsis mag rhuav
29. Muaj phaj thiaj muaj wuag, muaj dag thiaj muaj luag
30. Tua hneev tim ntoj, jia ntawm taw.
31. Txiv ntoo nyob chaw siab, nyiaj txiag nyob tsiv kev
32. Nqaib qab txha, txiv qab plhaub

Ua neej txog nta, thiaj li paub

33. Saib zaub rau roj, saib neeg rau jev
34. Neeg siab tsis ncaj, thiaj tsim teev luj

Neeg tsis txawj, thiaj tsim muaj txuj

35. Txhaum neej xuas dej caw, txhaum xuas xyab ntaw
36. Thaum luag tsaj tsis nrog luag tsaj

Thaum luag tau noj, yus ua dev nuam yaj

37. Thaum luag ua tsis nrog luag ua

Thaum luag tau noj, yus ua dev haus cua

38. Av luaj tawg plo, sawv hlo

Av luaj tawg nrees, sawv tsees

39. Cwj qhaub nyod deb, tsiag nyob ze
40. Hais kom muaj tseg, txhawb kom muaj qab
41. Hauv mis koj xub noj, hauv tsoos koj xub hnav
42. Hlau txias ntaus tsis tau, lus txias tseem hais tau
43. Hlau txias ntaus tsis zuav, lus txias hais txhob yuav
44. Noj tsis tau yuav tuag, haus tsis tau yuav swb
45. Blooj tsis zeg, zoov tsis kaj
46. Paub hnub muaj, tsis paub hnub pluag

Paub hnub nyob, tsis paub hnub tuag

47. Phoojywg tau kev dav, yeebncuab tau chaw ti
48. Puag luag tub tsaws dej dag, puag luag poj tuaj nruab txag
49. Puag luag tub nce ntaj, nyiag luag qoob tuaj nruab txhab
50. Qaib qus ua tsis nyog qaib dib, zaub mos ua tsis nyog zaub tsib
51. Suav tshuaj cia Suav rhaub, Hmoob tshuaj cia Hmoob rhaub
52. Txoj cai luaj txoj plaub hau, txhua leej hla tsis dhau
53. Txawj ntos tsis qig waiv, txawj lust sis qig lus xaiv
54. Tsev nqeeb tsis zoo sim taws, tsev vuas tsis zoo sim zeb