Nov yog Suavcai thiab niam Suacai Vaj. Zaj pajhuam no yog sau rau gawv lub koobtsheej so dejnum. Gawv lub neej yeej muaj li tau teev hauv zaj pajhuam.
Niam Txiv Tsa Lub Neej
By Nyiajlis April 2013
Niam thiab txiv peb cov tub thiab whais
Xav los hais ob peb lo lus ua tsaug
Neb kev taug coj peb sawv ua neej
Neb yeej keej ua tau txhua yam rau peb
Neb pheej tseb koob hmoov pub peb txais
Tub thiab wais neb hlub peb ib yam kaus
Gauj nraug laus los neb tseem ua rau peb noj
Tus txhoj txhoj los neb cem kom tsim txiaj
Neb hom phiaj yog xav kom peb paub Yexus
Kom txhua tus tau txais txoj sia ib txhis
Peb rov tig saib peb lub neej tshiab
Neej toj siab tuaj nyob Mekas av
Muaj ntau tsav tsim nyog txaus jhai
Neb tseem dai khwv noj rau tej company
Ib lub hlis dhau ib lub hlis txog hnub laus
Khwv tsis taus neb mam li los so
Peb yeej nco neb txoj kev khwv
Lub zog lwv uas tsis paub lus Mekas
Neb khwv tas neb tej tswv yim
Kom peb dim txoj kev txom nyem
Neb tsis lem mus thov welfare
Neb tsuas leg raws neb lub peev xwm
Neb tsom kwm kom peb tsev neeg muaj noj
Neb txawj coj txawj khwv txhua yam
Neb tsis tham txog tej kev txhawj xeeb
Kev loj leeb neb tsis nrog luag coj
Peb muaj noj jib kev kaj siab lug
Neb ob tug mas nquag kawg li
Neb luag whi tu peb tej tsheb du dais
Neb tis pais nrog neeg nuam yaj
Cheeb lub vaj tu lub tsev du lug tos
Mov cho log rau sawvdaws noj
Peb tig soj yav teb chaws Lostsuas
Neb kev nquag mas yeej muaj ntau heev
Neb tsis seev txog txoj kev gees
Sawv pes tsees mus ua teb txhua hnub
Tshav ntuj kub los neb tsis so kiag li
Neb luag whi khwv peb noj peb haus
Txog yav laus nimno tseem pab peb tu tub ki
Neb nuj nqi ces peb them tsis taus
Thiaj ua tsaug nco neb tej txiaj jim
Thov zam txim rau tej yam peb ua tau tsis zoo
Neb lub moo peb yuav khaws tseg mus ib sim
Ua neb tsaug ntau ntau mog niam thiab txiv.