Neej Txawj Hloov

Tus sau: Maiv Muas Vaj

Nej lub neej nrog txiv tshiab nyob zoo li cas? Nej txiv tshiab puas hlub nej? Kuv lub neej nrog txiv tshiab nyob, txiv tshiab tsis hlub li. Nws yuam kuv zov menyuam thiab ua hauj lwm. Tom qab no kuv mus ua neej lawm ces thiaj mam muaj neeg hlub kuv. Kuv yuav piav txog lub neeg nrog txiv tshiab nyob thiab lub neeg mus yuav txiv.

Thaum kuv nrog kuv thiab kuv txiv lawv nyob, kuv lub neej txomnyem heev. Kuv txiv tsis hlub kuv vim nws yog txiv tshiab xwb. Kuv niam thiab kuv txiv yeej tsis pub kuv mus ua si vim gawv xav kom kuv zov cov menyuam. Kuv zov tag nrho kuv cov kwv 8 leej. Kuv saib lawv kom lawv txhob txhoj puab thiab txhob sib ntaus. Tsis tag li, kuv ua txhua txoj hauj lwm hauv lub tsev, xws li cheb tsev, wuav tais diav, ua mov noj, thiab whua khaub ncaws. Txawm kuv twb ua txhua yam los kuv niam thiab kuv txiv yeej tsis pub nyiaj rau kuv siv.

Thaum kuv mus yuav txiv lawm es kuv lub neej thiaj li tsis txomnyem vim tias kuv tus txiv hlub kuv heev. Nws hais lus zoo thiab ua zoo heev rau kuv. Nws los kuj pab kuv ua hauj lwm txhua lub sib hawm. Nws tsis xav kom kuv ua ib leeg. Tsis tag li ntawd, kuv los yeej tau mus ua si, xws li nws coj kuv mus saib naag (movie), thiab mus tom phaj (park). Kuv los kuj tau nyiaj siv vim kuv tus txiv ua hauj lwm tau nyiaj ntau.

Lub neej nrog kuv txiv tshiab nyob tsis muaj txoj kev hlub thiab raug yuam ua hauj lwm. Tom qab kuv mus yuav txiv lawm, kuv thiaj muaj tus hlub thiab muaj kev zoo siab. Yog li no kuv thiaj hais tias hauv lub neej nrog txiv tshiab nyob tsis muaj kev hlub, tiamsis thaum mus yuav txiv lawm ces mam muaj tus hlub xwb. Kuv xav tias yog muaj cov menyuam juag nrog kuv nyob kuv yuav hlub, yuav tsis ua phem li ntawd rau lawv vim tias kuv twb pom kuv lub neej zoo li cas lawm.