Lusqhia: Pajhuam yub pej yog cov pajhuam uas dhos lub suab yub 3 kab, 3 kab uake.

Niam Yog…

By Blia Lee Edison High

Niam yog lub hnub

Ci li cov kub

Tshav ntuj rau ntxhais thiab tub

 

Nim yog tsob ntoo loj

Thaiv kuv thiab koj

Kom wb loj

 

Niam yog lub teeb

Sawvdaws xav txeeb

Thaum tsaus ntuj mus kev qeeb

 

Niam yog tus choj

Yog lub nkoj

Pab yus mus saum ntoj

 

 

Lusqhia: Pajhuam yub txooj yog cov pajhuam uas dhos lub suab yub 2 kab, 2 kab uake.

Leej Niam Tos

By Lee Thao 1994

 

Leej niam tos menyuam        tos lawv los ua ib pab

Nws thaum ntuj tsaus             txog rau thaum ntuj kaj

 

Nws tos nrhw tej xov tooj       nws tos joov ntawm tej txaj

Nws tos seb menyuam          hais tej lus tseeb los lus daj

 

Nws tos txhua tsab xov           nws tos ncig tsev nws tos ncig vaj

Nws seb menyuam                  nyob tog kev los nyob tom tab-laj

 

Nws tos txog thaum                menyuam noj mov tsau

Nws tos txog hnub                  lawv loj thiab lawv laus

 

Nws tos tej me yug                  nyob Mekas, Blog, thiab Thaib

Nws tos tej me mloog lus       thiab tej me ua laib

 

Nws tos seb menyuam             xeem puas tau ntawv zoo

Nws tos thiab tos                      tos ua bau suav toog

 

Nws tos tej menyuam              tos plhws lawv li tej me dib

Nws tos tej menyuam              nws tos hais tej me lus qab zib

 

Nws tos kom txog                    lus suab uas nws paub

Nws tos tiag tos tiag                seb nws puas zoo li yawm saub

 

Nws tos tias yuav muaj           hnub kawg thiab hnub so

Tiamsis, txog saum ntuj         nws tseem tos peb txhua nrho.

Mother is…

Translated by Lee Thao

Mother is the sun

She shines on sons and daughters

She helps us growing stronger

 

Mother is a big tree

She protects you and me

She charges us with no fee

 

Mother is a light

She shines on us so bright

She helps us to have a good life.

 

Mother is a boat

She gives us the supports

She pushes us to the level above