Lub 11 hlis tim 19, 2005
Nyob zoo kuv me blooj siab, Wheeyees:
Pib hnub uas koj ncaim kuv, lub ntiajteb bhob xuav. Kuv mus txog thaj chaw twg thiab lub zos twg los yam li tej tshav ntuj twb dua tag. Tej duab woo pib los laum tej zej tej zos tsaus dub nyos. Kuv lub siab quaj dhi; kuv tsis pom qab ua li cas. Yog txawj ya ces kuv twb ya tuaj cuag koj lawm. Kuv xav tias yog kuv tau nrog koj nyob, lub ntuj yuav tshav kaj nrig. Thaum koj hnov kuv tej lus no, koj yeej paub tias kuv nco koj baum li cas. Kuv noj mov los tsis qab thiab haus dej los tsis nqis. Kuv cia li waug zuj zus lawm tiag. Kuv xav tias yog kuv nrog koj nyob, kuv yuav noj mov qab thiab kuv lub cev ntuj jug yuav mos nyoos.
Weeyees, koj puas tseem tig saib lub ntuj qub qab thiab los koj cia li raws tus duab tshav ntuj rau tom ntej lawm? Yog koj tseem tig saib qab, koj pom lub ntuj qub qab zoo li cas? Nws tshav ntuj nrig os tsaus ntuj ti? Txawm lub ntuj yuav tsaus los xij, thov koj nco joov koj me blooj siab tus uas tseem hlub thiab tseem nco koj txhua lub sijhawm. Wb tej me kev ua si thiab tej me lus mos muag tseem pw ko rau kuv txoj kev xav: tsis ploj. Me lus qab zib cia li pib txhawv hauv kuv bloog siab, tiamsis tej lus ntawd tsis pom qab ntws mus rau leej twg. Kuv jeeg tias hnub uas kuv jib koj, tej lus ntawd mam ntws si rau koj ib leeg xwb. Yog txoj hmoov tsis muaj es kuv tsis jib koj lawm ces tej lus ntawd yuav lwj thiab puas tsus rau hauv kuv lub siab.
Kuv lus hlub tuaj cuag koj li no xwb. Kuv cia siab joov tias koj yuav teb kuv tsab ntawv tsis ntev tom ntej no.
Weeyees me blooj siab, Tojkabroog
Update
Ob lub hlis tomqab, Tojkabroog tau tuaj mus rau California thiab nws sau ntawv mus tsis txog Weeyees lawm vim Weeyees tau tshais chaw tshiab, hauv Minnesota. Thaum Tojkabroog tuaj txog Mekas teb, nws mam totaub txoj kev khwv raws li Weeyees qhia nws. Nws khwv rau txoj kev nrhiav noj thiab txoj kev kawm ntawv ntau. Yog li nws lub hlwb mus do rau tej kev khwv ntawd tas thiab tsis nco txog Weeyees lawm. Tiamsis hauv nws blooj siab, nws yeej tseem nco tias muaj Weeyees thiab muaj ib hnub twg nws yuav mus nrhiav kom tau Weeyees. Tsis ntev nws kawm tiav high school thiab pib mus kawm ntawv College. Thaum ntawd nws thiaj tuaj mus ncig seb puas jib weeyees.
Thaum nws tuaj txog Minnesota thiab nug tau tias Weeyees twb mus muaj neej lawm. Qhov ntawd ua rau nws kuamuag ntws. Nws lub hlub kiv 180 degrees rov mus rau Thaib teb: xav txog tej kev ua si, tej kev hais lus zoo, thiab tej lus qab zib uas nws tshwj cia rau Weeyees. Nws lub ncauj hais tsis tau dab tsi, tiamsis nws xav twj ywm rau nruab siab tias, “Zaum no kuv cov lus qab zib ces kawg lwj thiab puas joog rau hauv kuv blooj siab; cas txoj kev hlub tsis muaj tseeb?”
Ncaim Thaib Xyoo 2005
Lub 12, hlis tim 1, 2005
Nyob zoo Tojkabroog tus hlub txhua:
Koj pom li txoj kev kaj nrig rau yav tom ntej, tiamsis kuv pom txoj kev tsaus ntuj nti: tomqab tsis kaj thiab tom ntej tsis pom kev. Kuv ua lub neej tsaus ntuj nti; kuv tsis pom qab muab kuv txoj sia tso rau qhov twg. Kuv jeeg tias yog koj nrog kuv nyob, kuv txoj sia yuav loj tuaj. Koj av tsij nraws nroos tuaj seb lub ntuj puas kaj.
Tojkabroog, koj hais tau tej lus uas ua rau kuv kho siab khuav. Kuv lub ncauj tsis quaj los kuv lub kua muag ntws. Koj ho xav seb tej no puas yog kuv nco koj? Kuv lub siab yeej qib lug tos koj tej me lus qab zib; av tsij hais tuaj mab! Koj txob tos txog hnub uas koj jib kuv es koj mam qhib koj tej lus zoo rau kuv. Yog koj ncuav koj tej me lus zab zib tuaj, kuv yuav muab tej lus ntawd khaws rau zoo chaw thiab tsis pub kom tej lus ntawd lwj.
Tojkabroog, kuv qhia rau koj wiv tias Mekas teb tsis zoo li Thaib teb. Lub sijhawm luv luv vim nws muaj ntau yam kev khwv. Tamsim no kuv yeej tsis tau muaj haujlwm ua; kuv tsuas kawm ntawv xwb. Tiamsis kuv yeej tsis khoom kiag li vim kuv tuaj lig ces tej kev kawm nyuaj nyuaj rau kuv. Kuv mas kawm kuv tej ntawv txog tsheej tag hmo. Tsis tas li no xwb, tag kis sawv wov tsees ces kuv ho mus caij tsheb bav mus kawm ntawv tas hnub lawm thiab. Lub neej nyob Mekas yeej tsis yooj yim kiag li.
Kuv lus hlub tshua jib koj li no xwb. Wb mam sib jib dua lwm tsab ntawv.
Weeyees
Update
Xyoo 2009, Tojkabrooj txoj kev kho siab thiab kev quaj tau mus paug rau Weeyees lub pobjeg. Weeyees tau ceeb thiab xav tsis thoob. Nws xav tias tau 3-4 xyoos lawm jhe Tojkabrooj twb mus muaj neej thiab hnovqab nws lawm. Tiamsis ua cas Tojkabroog ho tsis tau muaj neej thiab tseem quaj nco txog Weeyees.
Hmo ntawd Weeyees cia li feeb tsis meej. Nws tus txiv hais lus rau nws los nws cia li teb ua dog ua dig. Menyuam quaj los cia li tsis nco wia. Nws tus txiv thiaj nug nws tias, “Weeyeesm, cas koj ua li koj mob nas?” Weeyees teb tias nws tsis ua li cas. Hmo tomqab los nws tseem pheej zoo li qub thiab ces nws tus txiv thiaj hais nws tias, “Weeyees, koj yuav tau qhia kuv seb yog koj mob los nyuaj siab dab tsi xwv kuv thiaj paub pab koj”. Thaum Weeyees hnov nws tus txiv lolus li ntawd, nws thiaj hais tias, “Yog koj yuav pab kuv, koj puas muaj kev zam txim?” Tus txiv thiaj teb tias, “Haubyauj, es koj ua tus tsi txhaum es kuv ho yuav tau zam txim nas? Kev zamtxim ces yuav tau zam li los mas. Vajtswv txoj lus twb hais tias koj yuav tsum zam txim rau tus uas ua txhaum rau koj vim tus Tswv Jesus twb zam rau koj lawm no nev. Weeyees nug wiv tias, “Tiag li?” Nws tus txiv thiaj teb tias, “Tiag tiag lis los mas”. Weeyees txawm hais luag whi tias, “Tiag mas kuv yeej tsis tau ua txhaum rau koj los leej twg, tiamsis thaum kuv tseem nyob Thaib teb, kuv tham tau ib cuag hmoob. Nimno kuv hnov xov tias nws nco nco kuv thiab nws quaj quaj vim kuv los yuav kom lwm no.” Nws tus txiv thiaj teb nws tias, “Li kom xwb es koj tseem yuav kom kuv zam txim thiab?” Weeyees teb tias, “Tseeb tiag koj yeej tsis tas zam txim rau qho no, tiamsis koj yuav tau zam txim rau qhov uas kuj feeb tsis meej tau 2 hnub dhau los.” Nws tus txiv xaus lus rau nws tias, “Zam tseeb zam tiag es koj cia li kaj siab. Thaum kuv yuav koj los cav tsis muaj tus yuam. Wb yeej sib txaus siab ces cia li txaus siab xwb los mav”. Tag ntawd, gawv cia li mus pw lawm.
