Lus qhia: Kwvtxiaj feem ntau yog pajhuam yub txooj hos lustaum feem ntau yog pajhuam yub pej.
Kwvtxhiaj lees yog kwvtxhiaj rau gauj-nraug (romantic poem)
Zaj 1: Qhua
Nej rab me teb tuam rooj ntug no tsis txawm tsuag los twb txawm tauj.
Es nej rab teb tuam rooj ntug no tsis muaj tus kheev luag los yeej muab tus zoo gauj.
Nej rab me teb tuam rooj ntug no tsis txawm tauj los twb txawm tsuag.
Es nej rab teb tuam rooj ntug no tsis muaj tus zoo gauj los yeej muab tus kheev luag.
Zaj 2: Tiv Kev Txomnyem
Me zaj buas lawm phwb toj tsuas es bua boj phwb lawm toj pob
Me gauj xwb hve yog koj tsis ua gauj qas yeev nyob ces kuv txiv leej tub twb tsis maub nuj nuag rau txoj kev xaunaus (snow) hlob.
Me zaj buas lawm phwb toj tsuas es bua boj phwb lawm toj tu.
Me gauj xwb hve yog koj tsis ua gauj qas yeev nyob ces kuv txiv leej tub twb tsis maub nuj nuag rau txoj xaunaus (snow) ju.
Zaj 3: Tsis Nco Yuav
Thaum dej dag es luag leej tub tsis nco rau taw.
Es thaum me whais gauj xwb ua gauj qas yeev nyob es txiv leej tub twb nco nrog jhaw.
Thaum dej dag es luag leej tub tsis nco rau duav.
Es thaum me whais gauj xwb ua gauj qas yeev nyob es txiv leej tub twb nco nrog yuav.
Zaj 4: Mob Siab
Me nyuj twm sib qhuas jws es yuav tu nrho nyuj twm txoj hlua khiab.
Me whais gauj xwb, wb niam ntau tau kev khaub plees gauj nraug zoo ua luaj no es txiv leej tub yuav mus lawm tuj tiag los twb yuav tu nrho txiv leej tub tej niag jhua siab.
Me nyuj twm sib qhuas jws es yuav tu nrho nyuj twm txoj hlua raws.
Me whais gauj xwb, wb niam ntau tau kev khaub plees gauj nraug zoo ua luaj no es txiv leej tub yuav mus lawm tuj tiag los twb yuav tu nrho txiv leej tub tej niag jhua plawv.
Lustaum: Ncaim Niamtxiv Rau Ib Sab Ntuj
Ua hvuab ciab cas thaum cua tuaj es blooj xyoob blooj ntoo sib tw wuaj hvos thaum cua rov es blooj xyoob blooj nto sib tw nrov cas peb tuaj txog rooj teb no peb niam tsis hnov tej niam tej txiv jug moo los ib tsab xov es peb tej niam tej txi puas tseem noj qab tuaj mus pw sov ne?
Ua hvuab ciab cas thaum cua tuaj es blooj xyoob blooj ntoo sib tw wuaj hvos thaum cua rov es blooj xyoob blooj nto sib tw nroo cas peb tuaj txog rooj teb no peb niam tsis hnov tej niam tej txiv tsab xov los ib jug moo es peb tej niam tej txi puas tseem noj qab tuaj mus nyob zoo ne?