Lus qia: Zaj no yog zajlus piavmeej (descriptive essay).
Kawm Ntawv Thaib
Tus sau: Chas Xiong
10-22-98
Outline
I. Kawm nyuaj
- Kev hais lus
- Kev sau ntawv
- Kev nyeem ntawv
II. Kawm yoojyim
- Kev kawm lej
- Kev kos duab
- Kev ua si (gym)
Kev kawm ntawv Thaib yog ib yam uas tsis yoojyim rau kuv, tiamsis lej thiab kev ua si kuj yog ib yam uas kuv tau li lwm tus thiab. Kuv yuav piav tias vim li cas kev kawm ntawv thiaj nyuaj thiab lwm ho yoojyim.
Kev kawm ntawv Thaib yog ib yam nyuaj heev rau kuv. Thaum kuv tabtom xyaum lus Thaib, kuv hais lus Thaib tsis meej. Kuv paub li no vim thaum kuv hais lus rau kuv tus leeskais thiab kuv cov phoojywg, lawv pheej tsis totaub kuv cov lus. Tsis tas li, kuv tsis paub tias cov lus Thaib txhais li cas. Kev sau ntawv los nyuaj rau kuv. Thaum xeem sau ntawv, kuv yeej sau tsis tau li. Kev sau cov txiaj ntawv los kuv tau tsis zoo gauj, ho kev nyeem ntawv los kuv nyeem daig’ thiab hais tsis meej.
Kev kawm lej mas ho yog ib yam uas yoojyim rau kuv vim kuv twb kawm lej uantej kuv mus kawm ntawv Thaib. Kev kos duab los kuj yog ib yam yoojyim rau kuv thiab vim kuv nyiam kos duab vaj tse thiab toj roob hauv pes. Yam uas kuv nyiam no kuj ua rau kuv xav kawm thiab muaj kev lomzem. Dhau no, hoob ua si (gym) kuj yog ib yam yoojyim thiab kuv nyiam heev vim nws tsis siv ntawv.
Tej lus kuv hais los saum no yeej muaj tseeb rau kuv. Kev kawm ntawv yeej nyuaj, tiamsis nws kuj muaj yam yoojyim rau kuv thiab. Yog leej nyeem kuv daim no, tus ntawm yeej paub tias kuv nyuaj siab rau kev kawm tawv, tiamsis kuv kuj ho muaj siab rau kev kawm lwm yam.