Kab-lus zoo yuav tsum muaj roj, muaj jev, thiab muaj tshuaj tswv qab.
- Kuv lub siab qaug rau koj. (lus menyuam yaus)
- Kuv lub siab qaug lais rau koj. (lus menyuam hluas)
- Kuv lub siab qaug pes lais rau koj(lus hluas)
- Thaum kuv pom koj luag whi, kuv lub siab qaug pes lais rau koj. (lus laus)
- Thaum kuv pom koj lub ncauj luag whi, kuv lub siab qaug pes laiss rau koj. (lus laus)
Neeg laus sau ntawv ces lawv yuav tsum siv yam tsawg 2 kablus uake. Ib kablus twg yuav tsum muaj thooj tswv thiab thooj qha. Thaum muaj thooj tswv thiab thooj qha lawm, koj yuav tau tso tus cim xaus (.) rau. Yog koj tsis tso tus cim xaus ces yog koj hla suav ciam lawm (run on). Thooj qa muaj ob yam.
- Nws muaj lo qha (verb) xwb.
- Nws muaj lo qha (verb) thiab lo raug (object). Hom 1 yog cov lo qha nres uas tsis muaj lo raug (intransitive verb) thiab hom 2 yog cov lo qha hla uas yuav tsum muaj lo raug (transitive verb).
Hom 1 Qha nres: intransitive verb
- Kuv sawv.
- Koj pw.
- Nws luag whi.
Hom no tsis muaj kev cheemtsum yuav lo raug. Lo tswv thiab lo qha xwb (subject and verb only).
Hom 2 Qha hla: transitive verb
- Kuv pom koj.
- Koj noj mov.
- Nws haus dej.
- Neeb pom dab.
Hom no yuav tsum muaj lo raug. Lo tswv, lo qha, thiab lo raug (subject, verb, and object).
Koj yuav sau tau kab-lus zoo, koj yuav tsum sau raws tus cwjkais-kabntaw. Koj yuav tsum paub siv cov txuaskaj los txuas koj cov kab-lus kom ua lus laus thiab muaj roj muaj jev pab kom cov kab-lus cig, ja, whe, muaj sia, etc.
Cov txuaskaj yog cov lolus uas txuas ob kab-lus ua ib kab. Cov lus no yeej raug cais ua ntau yam, tiamsis tamsim no tseem tsis muab lawv cais. Cov lus uas ua kom kab-lus cig, ja, whe, thiab muaj sia yog cov qha (verb), cov txhib-lus (adjective), cov yam-wwv (adverb), thiab lwm lolus uas muaj kuab. Txhua lolus nyias muaj nyias nqi, tej lo $0, $1, $5, $100 etc. Vim li no koj thiaj tau thov, tau kawm lossis tau siv nyiaj muas.