.
Lus qhia: Zajlus livxeej (narrative essay). Lolus livxeej los ntawm lolus livxwm (history/story). Cov zajlus livxeej sau li zaj dabneeg lossis zaj livxwm uas muaj qhov pib mus rau qhov xaus.
I. Lwm Sub
A. Cuab yeej
- Pos ncag
- Txoj saw nqeeb
- Cov kauj toogbaj nqeeb
B. Pibxaus (process)
- Tus txiv lwm sub
- Cov neeg thiab khaub ncaws
- Ncig
a. 3 lwm mus
b. 3 lwm los
4. Tua tus qaib
5. Cov neeg mus tsev
II. Hu plig
A. Uantej hu plig
1. Ceeb vajtse
B. Cuab yeej
1. Txhuv
2. Qe
3. Xyab
4. Nruas neeb
5. Kuam neeb
6. Gawm qaib
III. Wuav cev
A. Dadej
B. Wuav kotaw
Hmoob lub peb-caug yog kev so thiab kev lomzeem xwb lossis nws muaj lwm yam tseemceeb thiab? Feem ntau, sawvdaws yeej pom kev so thiab kev lomzeem xwb, tiamsis Hmoob yeej muaj tau yam uas tseemceeb tshwmsim rau hauv lub peb-caug no. Ib yam tseemceeb uas sawvdaws tsis nco xav txog yog lwm sub, hu plig, thiab wuav yus tug kheej.
Hmoob kev lwm sub muaj ib co cuab yeej thiab tus lw rau koj taug. Yam xub pib, koj yuav tsum nrhiav kom tau tus pos ncag thiab hlais kom tau ib pob nqeeb. Thaum tau ob yam khoom no lawm ces koj muab tus pos ncag los ua tus ncej txheb thiab muab ib cov nqeeb los ua txoj saw nqeeb thiab khi nws rau tus pos ncag. Txoj saw nqeeb no raug khi saum lub jis pos ncag thiab dauv los rau hauv peb teb. Dhau ntawd, peb muab ib cov nqeeb los ua kauj toogbab rau txhua tus uas yuav los lwm sub coj. Yog tej tug neeg tsis nyob tsev, peb muab nws cov khaub ncaws nrog peb lwm sub. Tomqab cov no tiav tag, tus txiv lwm sub tuav tus lau qaib thiab pib ntuas cov lus xa sub tawg sub jha thiab foom hmoo zoo rau cov neeg. Cov neeg zej zog chaws txoj hlua nqeeb mus 3 ncig rov 3 ncig. Xaus kiag ntawd, tus txiv lwm sub txiav kiag tus lau qaib caj dab thiab cia nws dhia mus tuag. Cov neeg zej zog rov mus nyias vaj nyias tsev.
Thaum tsev neeg rov txog tsev, leej txiv baj cheeb tsev thiab lub rooj hu plig. Nws muab tib teg blooj tsuab los cheeb lub vaj lub tsev. Nws pib ib tog zus thiab ntiab tej yam tsis zoo kom tawm lub tsev mus rau hnub coog hli kawg. Txuas kiag ntawd, tus hu plig teeb kiag lub rooj hu plig uas muaj tais txhuv, cov xyab, thiab cov qe. Nws muaj kiag gawm qaib tso rau ntawm lub rooj ib sab thiab pib hu plig. Nws ntaus lub nruas neeb thiab khob kuam rau tus ja qhovrooj. Nws tsa suab hlo nqee me plig nyiaj plig kub, plig niam plig txiv, plig me tub plig whais kom lo sawv tsees rov los tsev. Tomqab nws hu txij thiab hu txhua, nws mam muab txwm kuam los ntau thiab qaws juj duab juj hlau rau hauv vaj hauv tsev.
Uantej nce chaw pw, tsev neeg tseem tshuav ib yam kev cai uas yuav tau ua: dadej thiab wua kotaw. Tomqab sawvdaws muab pluas hmo noj tas, niam thiab txiv rhaub dej sosov rau tsev neeg da. Teb chaw toj siab tsis zoo li tim Mekas no ces txoj kev dadej yog wuav ib ce thiab txhuam kauv kom hu si. Tas ntawd, lawv thiaj mam wuav thiab txhuam kotaw kom du lug.
Kev lwm sub muaj ib cov cuaj yeej rau peb siv thiab muaj ib txoj lw rau peb taug. Kev hu plig los kuj xws li kev lwm sub. Nws yeej muab ib cov cuab yeej rau peb siv thiab muaj ib txoj lw rau peb ua. Kev tu yus lub cev mus txais xyoo tshiab mas nws txawv lo kev hu plig thiab kev lwm sub. Koj yuav tau wuav koj lub cev kom hu si vim koj yuav hnav zam tshiab rau xyoo tshiab. Xyoo tshiab, koj yuav ua yam tshiab: tso qee yam tsis zoo tseg es mus pib yam tshiab, mus jib phoojywg tshiab, mus ua lub neej tshiab, thiab ntau yam tshiab ua koj tsis tau ua dua, jib dua, lossis pom dua.