Kablus tshooj yog muab ob kablus rov saud coj los koom ua ib kablus. Cov lus los cim uas muaj peevxwm txuas cov kablus mus ua ib kablus tsooj muaj ntau lolus, tiamsis cov nram no yog cov uas peb siv heev:
Conjunction/subordination Txuaskaj
- Ces/es/tes (so, then)
- Yogli/yogle(so, therefore)
- Thaum/thau (when)
- Thiab/hab (and)
- Tiamsis/taabsis (but)
- Tomqab/tomqaab (after)
- Uantej (before)
- Txawm … los …. (Although, though, even though)
- Uas/kws (who, which, that)
- Vim (because)
- Yog (if)
1. Koj noj mov tas ces koj mam mus ua teb.
2. Mab tsis qablos noj mov es nws thiaj tuaj nrhiav tshuaj qablos.
3. Xeeb muaj mob heev, yogli nws yuav tau mus hoosmaum. (Saib kev siv tus cimkes, coma)
4. Thaum Tshajkub ualuamdej tas, nws mus yaug ib cev.
5. Tshajkub mus yaug ib cev thaum nws ualuamdej tas.
6. Yeeb nyiam mus tablaj thiab nws nyiam mus taug kev.
7. Gajneeb nyiam mus tablaj, tiamsis nws tsis nyiam mus taug kev.
8. Tomqab Sub Thoj ua num tiav, nws mam los so.
9. Sub Thoj mam los so tomqab nws ua num tiav.
10. Uantej Pajcai haislus, nws ua tibzoo xav.
11. Pajcai ua tibzoo xav uantej nws haislus.
12. Txawm koj yuav ua tibzoo ntuas Tooj los nws yeej tsis yuav. (yuav tsum muaj lo los).
13. Tooj yeej tsis yuav txawm koj ua tibzoo ntuas nws. (Tsis muaj lo los lawm).
14. Tus neeg uas yuav mus Nplog teb yuav tau hno tshuaj.
15. Kuv pom tus noog uas noj txiv fajkhaum. (Lo uas #14 thiab #15 siv sib txawv).
16. Vim kuv tsis xisnyob, kuv thiaj tsis mus ua haujlwm. (muaj lo thiaj)
17. Kuv tsis mus ua haujlwm vim kuv tsis xisnyob. (Tsis muaj lo thiaj)
18. Yog koj ua tus neeg zoo, neeg yeej yuav nyiam koj.
19. Neeg yej yuav nyiam koj yog koj ua tus neeg zoo.
