Cawjkais-kabntaw yog txoj cai tswj kev sau ntawv. Peb yeej tsis tau muab peb tus cwjkais-kabntaw sau kom meej rau sawvdaws kawm thiab siv. Peb nyias sau raws li nyias siab xav lossis siv raws li cov haiv neeg uas peb kawm lawv li cwjkais-kabntaw. Vim li hais los no, peb thiaj tsis muaj kev tswj peb txoj kev sau ntawv. Cov cwjkais-kabntaw no yog siv Mekas li los pab peb Hmoob li. Peb Hmoob yeej muaj mejis lawm thiab timsis nws yeej tsis tau meej. Ntau lolus raug tsim tshiab vim peb yeej tsis tau muaj tej lus ntawd. Peb tseem yuav tau tsim wiv mas peb li ntawv thiaj yuav siv tau raws tiam neeg tshiab. Yog tsis tsim ces peb tus ntawv yuav tuag mus thiab yuav siv tsis tau lawm yav tom ntej. Peb tsis yog neeg nyob pem roob wiv lawm. Peb muaj kev vammeej thiab txawj je. Yogli, peb yuav cia txoj kev vammeej thiab kev txawj je no ua luag lus los peb lus? Ua luag ntawv los ua peb ntawv? Yog peb tsis muaj ntawv Hmoob thiab lus Hmoob lawm, peb puas yog Hmoob lawm? Tus cwjkais-kabntaw hauv lub vassab no tseem yuav raug kho mus wiv. Yog leej twg muaj tswvyim, thov nej xa tej tswvyim tuaj txhim kho kom peb tus cwjkais-kabntaw zoo siv.

Ua ntej koj yuav kawm tus cwjkais-kabntaw, koj yuav tsum saib cov lus uas peb thiab lwm tus tsim hauv qab no: