Xyooj, Nomtxos. Swb Rog Looj Ceeb: Hmoong Magazine, PP32-33, Oct.-Dec. 1996.
Sualus (Summary):
Zaj lus no hais txog Hmoob tsiv Looj Ceeb rau Thaibteb xyoo 1975. Ua ntej dav hlau yuav thauj 2500 leeh neeg tawm, cov coj hais tias lawv yuav thauj ib pab dhau ib pab thiab cia cov tub rog tiv thaiv teb chaws. Tiamsis thaum sawv kev, lawv xaiv thauj cov nomtswv thiab lawv tej txheebze. Nov ua rau cov neeg poob siab thiab cia li sib txeeb nce dav hlau. Cov tabseeb ces txeeb nce cov dav hlau kiv tshuab, hos cov muaj menyuam sib txeeb nce dav hlau tshau qab loj. Lub caij neeg tabtom nce dav hlau, Vaj Kos, tus tsis ncaj, tsuas rub cov uas nws paub tes nce dav hlau. Hos Xaiv Ntaj Xyooj, tus siab zoo, pab txhua leej txhua tus rau hauv dav hlau. Thawj hnub uas cov neeg pib khiav, tus sau zaj no tsis baj khiav, tiamsis hnub tomqab nws thiab nws tsev neeg kuj tau nrog sawvdaws tuaj rau Thaibteb.
Cov jiavlus (Outline)
- Xyoo 1975
- 2500 leej neeg khiav rau Thaibteb
- Thauj pejxeem – cia tub rog
- Txeeb nce dav hlau kiv tshuab thiab tshau qab
- Vaj Kos thiab Xaiv Ntaj Xyooj
- Nomtxos Xyooj tsev neeg
Critique: Soj-juam.
- Kuv xav tias zaj lus no tsuas qhia mejis raws li tus sau pom thiab ncoqab xwb. Tus xwmtxheej yuav muaj ntau dua no. Yog leej twg xav paub ntau dua no, nws yuav tau mus nug cov neeg sib txeeb dav hlau ntawd tham kom ntau leej ntau tus.
- Lub be, “Swb Rog Looj Ceeb” tsis phim rau zaj no vim zaj lus tsis piav txog kev swb, tiamsis piav txog kev sib txeeb nce dav hlau. Lub be tsim nyog hu ua, “Hmoob Looj Ceeb Sib Txeeb Nce Dav Hlau”. Qhov uas nws pom Vaj Kos yog tus tsis ncaj thiab Xaiv Ntaj Xyooj yog tus zoo, peb yuav tau nug lwm tus seb lawv puas pom li nws hais.