Kev nyeem ntawv muaj ob yam tseemceeb: totaub tas nrho qhov koj nyeem (comprehend it) thiab muab tau cov jiavlus ntawm qhov koj nyeem (know the details).
Hauv qab no yog ib zaj nyeem. Thaum nyeem tas lawm, tus nyeem muaj 2 yam num li no:
- Sau juglus sualus (summary paragraph).
- Sau qhov kev soj-juam (critique).
Yang, Chalee. Dr. Khammeung Tuaj Noj Peb Caug Nyob Minixautas: Hmong Times, PP 1-2, Dec. 16, 1998.
Sualus (summary):
Zaj no yog hais txog Dr. Khammeung, Hmoob ib tug qub kws kho mob, tuaj xyuas Minixautas. Tus sau piav txog ob yam tseemceeb, xws li Dr. Khammeung lub neej thiab rooj khi tes rau nws. Xyoo 1952, nws tau kawm tiam kws kho mob nyob Fabkis teb(France). Tomqab ntawd, nws tau rov los ua haujlwm rau Lostsuas teb thiab yuav Maiv Cib Lis los ua nws tus poj niam. Xyoo 1960, Vaj Pov tau tsa nws saib cov Hmoob thiab Nplog nyob rau Xeev teb. Xyoo 1970, nws raug xa mus ua num rau Veescam. Xyoo 1975, nws tau tsiv tuaj rau Thaib thiab mus rau Fabkis. Tomqab nws mus txog rau Fabkis, nws ho mus ua num rau Khej teb txog rau xyoo 1994. Lub 11 hlis tim 29, 1998, nws thiaj tuaj xyuas cov Hmoob Minixatas. Sawvdaws thiaj ua ib lub koobtsheej khi tes rau nws thiab muab ib daim phiaj ntoo uas ua povthawj txog kev nco nws tej txiajtsim rau nws.
Cov jiavlus (Outline):
- Khammeung (tus kws kho mob, Lostsuas teb).
- Xyuas Minixautas.
- Kawm tiav Fabkis teb 1952.
- Yuav Maiv Cib Lis.
- 1960, Vaj Pov tsa nws saib Hmoob thiab Nplog
- 1970, nws ua num rau Veescam
- 1975, nws khiav tuaj Thaib, mus rau Fabkis.
- Nws ua kws kho mob rau Khej teb txog 1994.
- Xyoo 1998, nws tuaj xyuas Minixautas
- Ua Basxis khi tes.
- Muab daim phiaj ntoo pub.
Critique: Soj-juam. Nov yog txoj kev soj thiab juas daim ntawv uas tau raug nyeem. Nws yog ib txoj kev pab tswvyim, tsis yog kev thuam.
Tus nyeem 1
Reaction: Xav li cas.
Kuv xav tias nws tsimnyog peb ua ib pluag mov rau Dr. Khammeung li hais los no vim nws tau muaj txiaj jig rau peb Hmoob yav tas los lawm.
Criticism: Yws.
Lub be rau zaj no tsis haum vim be tua rau “noj pebcaug”, tiamsis zajlus tsis hais txog pebcaug. Nws tsuas hais txog Dr. Khammeung lub neej thiab pluag mov khi tes xwb. Lub be tsim nyog hu ua: Nco Txog Dr. Khammeung Tej Txiaj Jig.
Tus nyeem 2
Reaction: Xav li cas.
Kuv xav tias peb tsimnyog ua tsaug rau Dr. Khammeung li hais no vim nws tau pab peb Hmoob lawm thiab nws muaj txiajjim rau peb Hmoob heev.
Criticism: Yws.
Tus sau twb hais tias nws tuaj noj pebcaug no, ua cas kuv ho tsis pom nws tom pebcaug. Nws dag xwb pob?