Gaujhli Thiab Xais
Written and illustrated by
Kazoua Moua
Neej Hmoob Publishing Company
Copy Right 2023 by Neej Hmoob
Txheej Txhem
Gauj Hli thiab Xais …………………………………...2
Kev Mus Dadej……………………………………….15
Tus Hlub………………………………………………17
Niam…………………………………………………...19
Txiv…………………………………………………….21
Txhiaj Txhais………………………………………….22
Gaujhli, kuv tsis xav
ncaim koj li hvos.
Mus tsawg tsuag es koj mam rov qab tuaj.
Gawv paub tias nws yuav ntev uantej gawv
mam rov sib jib.
Kuv tsis xav ncaim koj li hvos.
Hnub twg koj mam rov
tuaj?
Nws nug tias, “Thaum twg wb mam rov sib jib dua?”
Xais muab Gaujhli tsa thiab teb nws tias,
“Txhob txawj mas. Tsis ntev kuv mam li rov tuaj. Ua siab
ntev tos kuv nawj”. Gaujhli hais tias, “Kuv yeej yuav tos koj
xwb mas. Jhai tsam koj dag kuv xwb”. Xais teb ntua tias,
“Ua siab loj loj mas, Gaujhli”. Gaujhli hais wiv tias, “Wb ua
li no puas tau?” “Ua li cas nas”, Xais teb. “Wb teem caij es
wb rov sib jib dua qhov chaw no thaum koj rov tuaj yom?”
Xais xav ib pliag, nws thiaj teb tias, “Gaujhli, koj tsis
txhob txhawj. Kuv yeej yuav rov tuaj xwb”. Gaujhli
bautaws vog thiab hais tias, “Tsis yog koj tsis hlub
kuv es koj thiaj tsis kam teem caij lov?” “Tsis yog. Vim
Tej laus hais tias kom txhob teem caij. Yog teem caij
ces tsam teem tau dab no nas”, Xais teb.
Gaujhli chim thiab fee kiag tawm ntawm Xais. “Yog koj
tsis hlub kuv ces cia li qhia kiag los es tsis txhob dag
dag”, Gaujhli yws. “Gaujhli, nws tsis yog li koj xav. Kuv
jhai tsam muaj li tej laus hais xwb”, Xais teb. Gaujhli
ua jejmuag dub nciab thiab hais tias, “Yog koj hlub kuv
tiag, koj yeej tsis hais li kod”. Xais saib Gaujhli chim
heev ces nws thiaj teb tias,”Lwm xyoo kuv mam tuaj
jib koj ntawm no es koj nco joov tuaj jib kuv laiv”.
Gaujhli zoo siab ces Xais thiaj hais tias, “Kuv mus lawm hvov. Kuv
yuav maj mus vim nws yuav tsaus ntuj es kuv tsis pom kev”.
Gaujhli luag whi vim nws tsis xav kom Xais pom nws lub jejmuag
Jaus jho. Thaum Xais mus txog tim toj, nws thiaj tsa tes ua bye bye
rau Xais. Nws cia siab tias gawv yeej yuav rov sib jib lwm xyoo.
Zaj no los xaus li no, txuas mus yog lwm yam lawm.
Kev Mus Dadej
Nej puas tau mus dadej dua li? Kuv twb tau dadej ntau zaug lawm. Txuas no mus, kuv yuav qhia tias kev mus dadej, nej yuav baj dabtsi thiab kev dadej zoo li cas.
Thaum peb mus dadej, peb nqa ob-peb yam khoom. Qhov ua ntej tshaj, peb nqa ib ce khaub ncaws hloov vim peb muaj kev cheemtsum hloov kaub ncaws tomqab dadej. Dua ntawd, peb nqa phuam, ris luv, thiab tsho tab. Peb siv lub ris luv thiab lub tsho tab dadej es peb thiaj li zoo ua luamdej. Hos txoj phuam ces peb siv los so peb kom peb qhuav.
Thaum peb mus dadej, peb sib xeem dhia rau hauv pasdej. Thaum txog hauv pasdej,
peb ho sib xeem ua luamdej. Continue/txuas wiv tom ntej.
Peb ua li no kom peb paub tias leej twg ua luamdej nrawm tshaj. Thaum peb ua luamdej ntawd yog kuv thiab kuv ob tug phoojywg. Kev dadej zaum no, peb kuj da ob-peb hom. Thaum pib, peb da ywj siab: tus da li cas los muaj. Dhau ntawd peb ho ua luamdej sib xeem. Tomqab ntawd, peb ho ploj tobhau rau hauv qabthuj seb leej twg ua tau pa ntev tshaj.
Kev dadej, koj yuav tau baj khoom ntau yam thiab koj yuav tau paub da ntau hom. Kuv jeeg tias thaum nej nyeem kuv zajlus no tas, nej yuav totaub txog kev dadej. Nov yog peb li kev dadej xwb. Lwm tus ho yuav baj txawv thiab da txawv los muaj.
Tus Nus Wim Siab
Leej nus tus wim siab
Koj tsw qab wiag li tej paj tshiab
Yog kuv tau koj, kuv yuav hnia koj tus whiab
Leej nus tus wim tshua
Koj li cov cua
Yog kuv tau koj, kuv yuav hnia koj kom txhua (muaj txuas wiv)
Leej nus tus whim hlub
Koj zoo cuag li lub hnub qub
Yog kuv tau koj, kuv yuav plhws koj tas hnub
Leej nus tus wim nyiam
Koj zoo tshaj kuv niam
Yog kuv tau koj, kuv yuav hlub koj mus tas tiam
Niam Muab
Kuv niam zoo li lub hnub
Nws muab tau txoj kev hlub
Kuv niam zoo li lub paj
Nws muab tau txoj kev kaj
Kuv niam zoo li tsho tiv no
Nws muab tau txoj kev so rau peb tas nrho
Kuv niam zoo li lub tog hauv ncoo
Kuv muab tau txoj kev tau zoo
Kuv txiv zoo li cov qoob loo
Nws cawm peb txoj sia txhua xyoo
Kuv txiv zoo li cov mov
Nws cawm peb txoj sia los thaum ntov
Kuv txiv zoo li cov zaub mos
Nws cawm peb txoj sia tas zog
1. Jia zoo li hav nqeeb. Mus txog suav tsis txheeb, yog dabtsi?
2. Noj ntawm ncauj tawm ntawm tav, yog dabtsi?
3. Ntuj to jhua, nws hlau hlua, yog dabtsi?
4, Jia zoo li tob tob, dhia plaw txij duav, yog dabtsi?
5. Tsis pom, tiamsis hnov. Jhai muab pam vov, yog dabtsi?
Kazoua Moua (Kabzuag Muas) muaj hnubnyoog 14 xyoos. Nws kawm ntawv nyob Folwell Junior High School, nroog Minneapolis, xeev Minnesota. Tim cheevtxuj (school), kuv nyiam sau ntawv thiab tim tsev nws nyiam nyeem ntawv. Lub caij uasi, nws nyiam tso dag, tso luag, thiab hais lus vuabtsuab. Nws nyiam noj mij Mekas (spagetty). Lub caij nyob dawb, nws nyiam seevcev.
