Hlub Tsis Yoojyim

Tus sau: Doua Vang

Nyob qabntuj no, kev sib hlub yog ib qhov uas peb nrhiav rau hauv peb lub neej. Thaum peb nrhiav tau txoj kev hlub lawm, nws yuav muaj teebmeem. Nov tsis yog vim peb tsis muaj kev sib hlub, tabsis yog los ntawm cov phooj ywg, kwv tij neej tsa, tsev neeg hauv tsev, los yog los ntawm niam txiv. Lawv yog cov uas ua rau peb muaj kev wov siab hauv txoj kev hlub. Peb yog cov raug txim vim lawv tsis pom peb txoj kev sib hlub zoo rau lawv. Yogli, kuv thiaj yuav piav txog ib zaj dab neeg uas niam txiv txiav txoj kev hlub ntawm tus hluas gauj thiab tus hluas nraug, los ntawm txoj kev muaj thiab txoj kev pluag.

Puag thaum ub, muaj plaub niam txiv tsis muaj menyuam kiag li. Plaub niam txiv ntawd jhaw jhaw menyuam, lawv niaj hnub mus thov ntuj kom ntuj muab menyuam rau lawv. Ces muaj ib hnub, ntuj thiaj tso ob tug menyuam los rau ntiaj teb rau lawv.

Ob niam txiv muaj nyiaj nyob hauv tsev thaum ntuj tso tus me tub los rau gawv. Thaum xob laim ib zaug nraum zoov, gawv hnov tus me ab quaj ib suab. Tus niam thiaj mus qhib qhov rooj, thiab nqa tus menyuam los tsev. Gawv thiaj muab tus me tub hu ua Xob Laim.

Ob niam txiv pluag nyob tom teb thaum ntuj tso tus me whais los rau gawv. Hnub ntawd yog ib hnub uas tshav ntuj nrig. Tus niam jia saum ntuj, nws pom ib lub hnub qub ci ci poob los rau ntawm gawv lub tsev. Tus niam thiaj mus qhia tus txiv qhov nws pom. Gawv thiaj li khiav los tsev. Ntawm gawv lub qhov rooj, gawv pom ib tug me ab pw tshaug zog hauv lub pob tawb. Tus niam thiaj nqa tus me whais ntawd los tsev. Gawv thiaj li muab nws hu ua Hnub Qub Ci. Plaub niam txiv zoo zoo siab tias ntuj muaj lub siab dawb, ntuj tau tso ob tug menyuam rau lawv tu. Lawv thiaj hlub ob tug menyuam li yog lawv ob tug uas yog lawv yug.

Ntau xyoo dhau los ntev, Hnub Qub Ci thiab Xob Laim gawv tau tiav hluas gauj hluas nraug. Muaj ib hnub, Xob Laim cav mus ua si tom hav zoov: mus tua nas tua noog. Nws pom ib lub tsev khaub khaub hlab, puab lub pas dej. Xob Laim jia lub pas dej zoo gauj ci iab. Nws thiaj mus zaum ntawv ib lub pob zeb puab ib tsob ntoo thuv. Ib mejis xwb, nws pom ib tug whais zoo zoo gauj los nqa dej. Xob Laim jia puas tsawg zaug los jia tsis dhuav li. Nws thiaj mus pab tus whais ntawd nqa dej mus tsev. Xob Laim nug nws lub be; nws thiaj li qhia tias nws yog Hnub Qub Ci. Gawv thiaj li pib tham hnub ntawd.

Ib hnub dhau in hnub, Xob Laim pheej mus saib Hnub Qub Ci: pab nws nqa dej, nrog nws ua teb, thiab pab nws ua noj hauv tsev. Tsis ntev, gawv txoj kev sib hlub loj zuj zus tuaj. Muaj ib hnub, Xob Laim thiaj thov kom Hnub Qub Ci los yuav Xob Laim. Hnub Qub Ci teb tias nws yeej kam Yuav Xob Laim, tabsis gawv tsis paub tias gawv txoj kev sib hlub yuav mus tsis dhau gawv niam gawv txiv. Hnub ntawd, Xob Laim thiab Hnub Qub Ci thiaj mus qhia gawv niam gawv txiv tias gawv txaus siab los sib sau ua neej. Hnub Qub Ci niam thiab txiv pom zoo tias nws txawj xaiv tau tus vauv zoo, tabsis muaj ib qhov gawv tsis qhia Hnub Qub Ci. Qhov ntawd yog neeg muaj nyiag yuav tsis pub yuav neeg pluag. Tos gawv tsis qhia los yog vim gawv tsis xav kom gawv tus whais tu siab rau gawv. Nws niam thiab nws txiv paub tias neeg pluag thiab neeg muaj nyiaj yeej tsis sib tau.

Xob Laim niam thiab txiv tsis txaus siab los yuav tus whais ntawd li vim tias nws tsev neeg pluag. Gawv thiaj coj Xob Laim mus kaw hauv nws lub txaj. Xob Laim nrhiav qhov twg los tsis muaj kev rau nws mus jib Hnub Qub Ci. Nws thiaj tsis paub ua li cas.Tagkis pom kev zuag, Hnub Qub Ci mus nyob tom lub pas dej tos Xob Laim.Nws nyob nyob: tsaus ntuj zuj zus, Xob Laim tsis tuaj cuag nws li. Nws lub siab mob thiab tsis paub ua li cas: lub siab xav tias abtsi phiv lawm. Txawm li ntawd los nws tseem ua siab ntev tos Xob Laim.

Ib hli dhau los lawm, tiamsis Xob Laim tseem raug kaw vim nws tsis cog lus rau nws niam thiab txiv tias nws yuav tsis mus jib Hnub Qub Ci lawm. Nws nco Hnub Qub Ci baum li cas los nws tsis muaj kev dim ntawm nws lub tsev. Muaj hmoo, nws tus noog ua nws yug gag los rau hauv nws lub hoob. Nws thiaj khi ib daim ntawv rau tus noog txhais taw. Thaum tus noog ya mus txog lub hav zoo, nws thiaj mus haus dej. Nws thiaj hnov Hnub Qub Ci seev zaj gauj sib hlub. Tus noog ntawd thiaj mus tsaws ntawm Hmub Qub Ci xwbpwg. Hnub Qub ci thiaj pom ib daim ntawv khi ntawm tus noog. Nws thiaj muab los nyeem. Daim ntawv ntawd yog Xob Liam sau tuaj rau nws. Hnub Qub Ci mus qhia nws niam thiab nws txiv tias Xob Liam yuav tuaj xwb, tabsis nws tsis paub yog thaum twg.

Hnub Qub Ci niam thiab txiv thiaj ua ib siab los qhia gawv tus whais txog Xob Liam. Gaw thiaj qhia tias Xob Liam tsis tuaj saib nws vim tias Xob Liam niam thiab txiv tsis pub gawv los sib sau ua neej vim lawv muaj nyiaj es lawv xav kom lawv tau ib tug nyab muaj nyiaj xwb. Neeg muaj nyiaj saib neeg pluag tsis nuj nqis vim lawv jhaw nyiaj tshaj lawv jhaw ib tug nyab. Hnub Qub Ci lub kua muag ntws rau txoj kev sib hlub ua nws yuav muab tso tseg. Nws thiaj ua ib siab tso txoj kev hlub tseg. Nws paub tias txoj kev sib hlub ntawm Xob Liam thiab nws tsuas muaj ib zaug xwb. Yog nws tsis tau Xob Liam ces nws yuav tsis xav ua neeg nyob ntiaj teb.

Kajntug hnub tomqab, Hnub Qub Ci niam thiab txiv nrhiav tsis pom Hnub Qub Ci li. Gawv thiaj mus nrhiav ntawm lub pas dej na has gawv tus whais poob rau hauv lub pas dej. Gawv tus me whais uas ntuj tso los rau gawv tau tso lub ntiaj teb no tseg. Gawv thiaj quaj quaj thiab muab nws faus ntawm ib tog tsev.

Ib hli dhau los wiv, Xob Liam niam thiab txiv thiaj tso nws los vim gawv twb paub tias Hnub Qub Ci tsis muaj txoj sia lawm. Thaum Xob Liam tuaj txog tom Hnub Qub Ci lub tsev, nws pom ib lub wa. Nws thiaj mus quaj rau lub wa vim nws lub siab twb qhia nws tias yog Hnub Qub Ci lawm. Xob Liam paub tias Hnub Qub Ci tuag vim Xob Liam gawv txoj kev sib hlub tsis dhau ntawm niam txiv. Xob Liam ua ib siab tso Hnub Qub Ci tseg mus tag ib sim neej.

Xob Laim thiab Hnub Qub Ci niam thiab txiv thov thov tau ob tug menyuam los tu tiav gauj thiab tiav raug, tiamsis niam txiv tsis paub baj ob tug menyuam lub neej. Thaum kawg ob tug menyuam sib sau tsis tau ua ib lub neej thiab ib tug tuag tseg ib tug. Txoj kev sib hlub yog ib qhov uas peb xav tau hauv peb lub neej, tabsi nws yog ib qho uas tsis yooj yim raws li peb lub siab xav thiab raws li peb lub siab nyiam vim niam txiv yuav los rhuav thiab cuam tshuam peb txoj kev sib hlub. Lawv tsis pom tus tub los tus whais zoo raws li lawv lub siab nyiam. Lawv thiaj nrhiav kev los txiav cov hluas txoj kev hlub. Nyob hauv lawv lub siab, lawv yeej xav kom peb tau lub neej zoo tshaj lawv lub xwb. Tabsis qhov uas niam txiv tsis tau taub yog txoj kev tuag los ntawm lawv txoj kev txwv txiav peb.