Vim Li Cas?

Lee Thao,  October 1999

Lus qhia: Pajhuam yub pej

Leeskais tej lus teb:

Vim li cas leeskais lub siab quaj dhi thaum meyes pheej uasi?

Vim leeskais tam leej niam thiab leej txi

Vim leeskais xav kom meyes kawm txujci.

Vim li cas leeskais lub siab quaj zaws thaum meyes pheej tsis xav kawm?

Vim leeskais tham leej pog thiab leej yawm

Vim nws pheej xav txhawb thiab xav cawm

Vim li cas leeskais pheej coj nruj?

Vim leeskais yog rab teev luj

Vim tej nws coj yog yam uas tsim nuj?

Vim li cas leeskais thiaj pheej yuav pab

Vim leeskais yog tus lajkab

Vim nws yuav coj meyes thiaj pom qab

Meyes tej lus teb:

Vim li cas meyes thiaj ua dog ua dig?

Vim meyes lub neej txausntuj nti

Meyes tsis pom kev txawj muaj nujnqi

Vim li cas meyes thiaj ua tej hoo-vawj tsis tiav

Vim meyes txuag meyes txoj siav

Meyes xwbtim xia kev khiav

Vim li cas meyes tej hoo-vawj thiaj pawv

Vim meyes niam thiab txiv tsis paub ntawv

Gawv tau muab meyes cov hoo-vawj pov hlawv

Vim li cas ntawv los meyes tsis twm?

Vim meyes lub hlwb tsis ua haujlwm

Twm ntawv ntau jhe meyes yuav vwm